تبلیغات
آخرين ارسال هاي تالار گفتمان
|
يليل الشام اسهرنك سبيه و خافن من يطر فجرك عليه
****
يليل الشـام اجيك ابدمعه العين
و ناديـك ابمصـابي التعّب البين
يمن نومك خفيف و زادك اونين
و شوفنك ثجيـل الطفلـه احسين
رقيـه فـزت اتنـادي الابـو ويـن
انه امنين احچي الهه و ابتدي امنين
خيالك ظلمه و اسهامك مضيه و خافن من يطر فجرك عليه
****
يليل اسهرتك ابدمعي و غلاتي
متـت والّــي حينّـك نايبـاتي
يليل ارجوك انا استرلي خواتي
عبـرتهـن رخيصـه امخـدراتي
دظل بس خلني اأدي واجباتي
و بس لاطفلتي تگطـع صـلاتي
اخافن بيك اذا حلمت رقيه و اخافن من يطر فجرك عليه
****
عرفت الغربه و الغربه اعرفتني
اعجِـزت مني و أبد ما عجزتني
أبــد لا نومـه لا غفـوه خذتني
و علــي النوح الزچيـه علمتني
كثيـره اسهام مـن بينك رمتني
بــس دمعــه رقيــه الــمتني
تظل عبرتهه مفجوعه و شجيه وخافن من يطر فجرك عليه
انـا زيـنب و والـدتي الــزچيه
وابوي المرتضي حامي الحميه
يسمـوني العـده يـا خـارجيه
عشت يـا ليل مهظومه و سبيه
يليـل الشـام جبنـالك هـديه
واريدك كون تقبلها امن اديه
اخذلك نجمه من نجم الثريه وخافن من يطر فجرك عليه
****
وحـگ شيمـه ابواليمـه وياها
رقيــه بچـت العــالم ويــاها
گصدهه ابطيف ابواليمه وياها
و طفت نجمه من انجوم الثريه
تعداد بازديد : 195
پنجشنبه 24 اسفند 1391 ساعت: 1:31
نویسنده: خادم الزهرا (س)
نظرات(0)
مطالب مرتبط
بخش نظرات این مطلب
